ស៊ីហ្គេម ឆ្នាំ២០២៣ នៅកម្ពុជា បង្កើតកំណត់ត្រាមានវិញ្ញាសាប្រកួតដល់ទៅ ៦០៨វិញ្ញាសា ចំណោម ៣៨ប្រភេទកីឡា
កីឡាចំនួន ៣៧ប្រភេទ បូកនិងកីឡាសម្ដែង (Demonstration Sport) ១ប្រភេទ ត្រូវបានសម្រេចជាផ្លូវការ សម្រាប់ព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា ដែលទទួលរៀបចំធ្វើម្ចាស់ផ្ទះជាលើកដំបូងក្នុងប្រវត្តិសាស្ត្រ។ នេះបើយោងតាមវិបសាយស៊ីហ្គេមផ្លូវការ cambodia2023.com បានបញ្ជាក់។
បន្ថែមលើការសម្រេចសម្រាប់ប្រភេទកីឡា វិញ្ញាសាដែលដាក់ឲ្យប្រកួតក៏ត្រូវបានសម្រេចជាផ្លូវការផងដែរ ពោលគឺនឹងមាន ៦០៨វិញ្ញាសា (បានន័យថា ៦០៨មេដាយមាស) នេះនាំឲ្យបំបែកកំណត់ត្រាព្រឹត្តិការណ៍ដែលមានវិញ្ញាសាប្រកួតច្រើនជាងគេ នៅស៊ីហ្គេម ចាប់តាំងពីបង្កើតឡើងនៅឆ្នាំ១៩៥៦។ វិញ្ញាប្រកួតច្រើនជាងគេគឺនៅស៊ីហ្គេម លើកទី៣០ ឆ្នាំ២០១៩ ក្នុងប្រទេសហ្វីលីពីន ដែលមាន ៥៣០វិញ្ញាសា។
ហែលទឹកជើងទា ដែលដើមឡើយនៅក្នុងចំណោមប្រភេទកីឡាដោយឡែក ត្រូវបានរួមបញ្ចូលមកនៅក្នុងកីឡាក្នុងទឹករួមគ្នា ខណៈ ប្រដាល់គុនខ្មែរ ដែលនៅប្រភេទកីឡាដោយឡែក ក៏ត្រូវបានដាក់បញ្ចូលរួមគ្នាទៅក្នុងប្រភេទកីឡាយុទ្ធគុនចម្រុះផងដែរ។
ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ បានមានប្រសាសន៍ថា ៖«យើងបានឯកភាពគ្នាជាមួយប្រទេសសមាជិកស៊ីហ្គេម និងអាស៊ានប៉ារ៉ាហ្គេមរបស់យើង ចំនួន ៣៨ប្រភេទកីឡា ក្នុងវិញ្ញាសា ៦០៨វិញ្ញាសា គឺយើងបានដាក់ចេញជាផ្លូវការ សម្តេចពិជ័យសេនា ឯកឧត្តមបណ្ឌិត ក៏បានចុះហត្ថលេខាកំណត់ទៅលើប្រភេទកីឡា និងវិញ្ញាសាអស់ហើយ ហើយការកំណត់នេះក៏បានការឯកភាពទាំងស្រុងពីសមាជិកក្រុមប្រឹក្សាកីឡាអាស៊ីអាគ្នេយ៍ផងដែរ»។
ប្រភេទកីឡាដាក់ឲ្យប្រកួតជាផ្លូវការរួមមាន៖
- ១. អត្តពលកម្ម (Track&Field និង ម៉ារ៉ាតុង)
- ២. កីឡាលើទឹក (ហែលទឹក, លោតទឹក, បាល់ទឹក និងហែលទឹកជើងទា)
- ៣. វាយសី
- ៤. បាល់បោះ (៥×៥ និង ៣×៣)
- ៥. ប៊ីយ៉ា ស្នូកឃ័រ
- ៦. ប្រដាល់សកល
- ៧. កាយវប្បកម្ម
- ៨. អុក (អុកចត្រង្គ និងអុកចិន)
- ៩. ទោចក្រយាន (កង់គួក និងកង់ភ្នំ)
- ១០. គ្រីឃីត (T20/Sixes និង T50/T20)
- ១១. កីឡារាំ
- ១២. កីឡាអេឡិចត្រូនិក
- ១៣. គុនដាវ
- ១៤. Floorball
- ១៥. បាល់ទាត់ (បុរស–នារី)
- ១៦. វាយកូនហ្គោល
- ១៧. កាយសម្ព័ន្ធ (Aerobic and Artistic)
- ១៨. ហុកគី (រួមបញ្ចូលក្នុងសាល និងក្រៅសាល)
- ១៩. ម៉ូតូទឹក
- ២០. យូដូ
- ២១. ការ៉ាតេ
- ២២. យុទ្ធគុនចម្រុះ (គុនល្បុក្កតោ, Arnis គុនដំបងរបស់ហ្វីលីពីន, ជឺជីតស៊ូ, ឃីកបុកសីង, វ៉ូវីណាម, គុនខ្មែរ
- ២៥. ប៉េតង់
- ២៦. ទូកក្ដោង
- ២៧. សីដក់
- ២៨. សូហ្វតេន្នីស
- ២៩. វាយកូនឃ្លីលើតុ
- ៣០. តេក្វាន់ដូ WT
- ៣១. វាយកូនបាល់
- ៣២. ប្រណាំងទូកប្រពៃណី
- ៣៣. ទ្រីយ៉ាត្លុង (រួមទាំង អាគ័រត្លុង និងឌូអាត្លុង)
- ៣៤. បាល់ទះ (ក្នុងសាល និងលើឆ្នេរខ្សាច់)
- ៣៥. លើកទម្ងន់
- ៣៦. ចំបាប់
- ៣៧. វ៉ូស៊ូ
- ៣៨. Teqball (កីឡាសម្ដែង)
កីឡាសម្ដែង (Demonstration Sport) កីឡា Teqball ជាកីឡាបាល់មួយដែលត្រូវបានលេងនៅលើតុកោង ដោយរួមបញ្ចូលគ្នានូវរបៀបលេងកីឡាបាល់ទាត់ និងវាយកូនឃ្លីលើតុ៕
