អ៊ីរ៉ង់ចោទអាមេរិកថា «អរ័ក្សសាតាំង» ដើរញុះញង់ឲ្យមានភាពវឹកវរ ភេរវកម្មក្នុងពិភពលោក!
(ALjazeera): ប្រធានាធិបតីអ៊ីរ៉ង់ លោក អ៊ីប្រាហុីម រៃហ្សុី Ebrahim Raisi បានចោទប្រកាន់ប្រធានាធិបតីសហរដ្ឋអាមេរិក ជោ បៃឌិន Joe Biden ពីបទ “ញុះញង់ឱ្យមានភាពវឹកវរ” បន្ទាប់ពីលោកបានសម្តែងការគាំទ្រចំពោះបាតុកម្មប្រឆាំងនឹងការស្លាប់របស់ នាង ម៉ាហ្សា អាមីនី Mahsa Amini ដែលជាស្ត្រីដែលបានស្លាប់នៅក្នុងការឃុំឃាំងរបស់រដ្ឋាភិបាលអ៊ីរ៉ង់ជិតមួយខែមុន។ មនុស្សរាប់សិបនាក់បានស្លាប់នៅក្នុងការតវ៉ាដែលភាគច្រើនជាអ្នកតវ៉ា ប៉ុន្តែសមាជិកនៃកងកម្លាំងសន្តិសុខក៏បានស្លាប់ដែរ និងបាតុកររាប់រយនាក់ត្រូវបានចាប់ខ្លួនផងដែរ។
ការតវ៉ាបានចាប់ផ្តើមនៅពាក់កណ្តាលខែកញ្ញាបន្ទាប់ពី នាង Amini អាយុ 22 ឆ្នាំបានស្លាប់បន្ទាប់ពីបីថ្ងៃនៅក្នុងការឃុំឃាំងនៃ “ប៉ូលីសសីលធម៌” របស់អ៊ីរ៉ង់សម្រាប់ការចោទប្រកាន់ថាបានរំលោភលើកូដសំលៀកបំពាក់ដ៏តឹងរឹងសម្រាប់ស្ត្រីមូស្លីម។
លោក រៃហ្សុី បាននិយាយថា”ប្រធានាធិបតីអាមេរិក គឺជាមេនៃ អរ័ក្សសាតាំង ញុះញង់ឱ្យមានភាពវឹកវរ ភេរវកម្ម និងការបំផ្លិចបំផ្លាញក្នុងប្រទេសអ៊ីរ៉ង់”។ ប៉ុន្តែ ផែនការរបស់សត្រូវត្រូវ ត្រូវបានប្រឆាំងដោយវិធានការប្រកបដោយប្រសិទ្ធភាពដើម្បីដោះស្រាយបញ្ហារបស់ប្រជាជនរបស់យើង”។
គួរបញ្ជាក់ថា សហរដ្ឋអាមេរិកបានចេញទណ្ឌកម្មថ្មីប្រឆាំងនឹងមន្ត្រីអ៊ីរ៉ង់កាលពីថ្ងៃទី៦ តុលា ជុំវិញអ្វីដែលខ្លួនហៅថា «ការគាបសង្កត់ដោយហិង្សាលើការតវ៉ា»។ ខណៈដែល កាលពីថ្ងៃសុក្រ លោក Biden បាននិយាយថា «យើងឈរជាមួយពលរដ្ឋ ជាស្ត្រីក្លាហានរបស់អ៊ីរ៉ង់»។
ប្រធានាធិបតីអាមេរិកបាននិយាយថា វាធ្វើឲ្យខ្ញុំស្រឡាំងកាំងនូវអ្វីដែលកើតឡើងនៅអ៊ីរ៉ង់។ “វាបានដាស់អ្វីមួយដែលខ្ញុំមិនស្មានថានឹងស្ងប់ស្ងាត់អស់រយៈពេលជាយូរមកហើយ”៕
