អ៊ុយក្រែនថា៖ ការវាយប្រហាររបស់រុស្ស៊ីមានចេតនាធ្វើឲ្យប្រជាជនអ៊ុយក្រែនទាំងមូលរងាកកស្លាប់!

ប្រទេសអ៊ុយក្រែនបានព្រមានអំពីហានិភ័យ “ធ្ងន់ធ្ងរ” ដែលកំពុងលេចឡើងចំពោះបណ្តាញថាមពលរបស់ខ្លួន បន្ទាប់ពីប្រធានាធិបតី Volodymyr Zelenskyy បាននិយាយថា ការទម្លាក់គ្រាប់បែករបស់រុស្ស៊ីម្តងហើយម្តងទៀតបានបំផ្លាញរោងចក្រថាមពលមួយភាគបីរបស់ខ្លួន នៅពេលដែលរដូវរងាខិតជិតមកដល់។

ការព្រមានកាលពីថ្ងៃអង្គារបានកើតឡើងនៅពេលដែលកងកម្លាំងរុស្ស៊ីបានអះអាងថា បានដណ្តើមយកទឹកដីមកវិញពីកងទ័ពអ៊ុយក្រែននៅក្នុងតំបន់ Kharkiv ភាគខាងកើត ដែលជាការប្រកាសជាលើកដំបូងរបស់ទីក្រុងម៉ូស្គូក្នុងការចាប់យកភូមិនៅទីនោះចាប់តាំងពីត្រូវបានបំផ្លាញហេត្ថារចនាសម្ព័ន្ធស្ទើរតែទាំងស្រុង។

ក្នុងពេលជាមួយគ្នានោះ ការវាយប្រហាររបស់រុស្ស៊ីបានធ្វើឱ្យកក្រើករោងចក្រថាមពលនៅក្នុងទីក្រុង Kyiv និងទីក្រុងនានាទូទាំងប្រទេស បណ្តាលឱ្យដាច់ភ្លើង និងរំខានដល់ការផ្គត់ផ្គង់ទឹក មួយថ្ងៃបន្ទាប់ពីរដ្ឋធានីត្រូវបានវាយប្រហារដោយយន្តហោះគ្មានមនុស្សបើក(ដ្រូនអត្តឃាត)។

ដោយស្ថានភាព​នេះ​មាន​សភាព​ធ្ងន់ធ្ងរ​នៅ​ទូទាំង​ប្រទេស លោក Kyrylo Tymoshenko អនុប្រធានការិយាល័យប្រធានាធិបតីអ៊ុយក្រែនបានប្រាប់ទូរទស្សន៍អ៊ុយក្រែនថា “វាចាំបាច់សម្រាប់ប្រទេសទាំងមូលក្នុងការរៀបចំសម្រាប់ការដាច់ចរន្តអគ្គិសនី ទឹក និងកំដៅឡើងវិញ”។

គួរជម្រាបថា ការវាយប្រហារនៅព្រឹកថ្ងៃអង្គារនេះ (ម៉ោងនៅអ៊ុយក្រែន) បានវាយប្រហារទីក្រុង Kyiv, Kharkiv នៅភាគខាងកើត, Mykolaiv នៅភាគខាងត្បូង និងកណ្តាលនៃ Dnipro និង Zhytomyr ដែលជាកន្លែងដាក់ម៉ាស៊ីនភ្លើងបម្រុង៕