ទាហាន១០នាក់បានស្លាប់ និងជិត៥០នាក់រងរបួសក្នុងការវាយប្រហារលើមូលដ្ឋានទ័ព Burkina Faso!
ប្រភពពីកងទ័ពបឺហ្គីណាហ្វាសូ បាននិយាយថា យ៉ាងហោចណាស់ទាហាន 10 នាក់ត្រូវបានសម្លាប់ និងប្រហែល 50 នាក់ផ្សេងទៀតបានរងរបួស នៅពេលដែលក្រុមភេរវករបានវាយប្រហារមូលដ្ឋានទ័ពមួយនៅក្នុងតំបន់ ហ្សាហ៊ែល Sahel របស់ប្រទេស បឺហ្គីណាហ្វាសូ Burkina Faso កាលពីថ្ងៃចន្ទ។ ដែលការវាយប្រហារនេះបានផ្តោតលើកងវរសេនាធំអន្តរអាវុធទី១៤។
កងទ័ពបាននិយាយនៅក្នុងសេចក្តីថ្លែងការណ៍មួយថា ការវាយតម្លៃបណ្តោះអាសន្នថា ទាហាន 10 នាក់ត្រូវបានសម្លាប់នៅក្នុងការប្រយុទ្ធគ្នា ហើយប្រហែល 50 នាក់រងរបួសត្រូវ ឬីឯភេរវករដល់ទៅ 18 នាក់ត្រូវបានសម្លាប់ក្នុងអំឡុងពេលប្រតិបត្តិការបន្ត។
គួររំលឹកថា កាលពីខែមុន កងទ័ពដែលដឹកនាំដោយលោកអនុសេនីយ៍ឯក អ៊ីប្រាហុីម ត្រាអូរេ Ibrahim Traore បានទម្លាក់លោកវរសេនីយ៍ទោ ផល ហេនរី សាន់ដាអូហ្គោ ដាំមីបា Paul-Henri Sandaogo Damiba ដែលបានដណ្តើមអំណាចកាលពីខែមករា ហើយលោក Traore បានស្បថចូលកាន់តំណែងជាប្រធានាធិបតីបណ្តោះអាសន្នកាលពីសប្តាហ៍មុនមកម្ល៉េះ៕
ប្រទេស Burkina Faso បានទទួលរងនូវអសន្តិសុខជាប្រចាំដែលបង្កឡើងដោយការបះបោរដែលបានរីករាលដាលពីប្រទេសជិតខាងប្រទេសម៉ាលីក្នុងរយៈពេលមួយទសវត្សរ៍កន្លងមកនេះ៕
