យន្តហោះចម្បាំង Su-30MK2 និងឧទ្ធម្ភាគចក្រ Mi បានធ្វើលំហាត់កាយសម្ព័ន្ធដែលជាផ្នែកមួយនៃសមយុទ្ធហោះហើរនៅទីក្រុងហាណូយកាលពីថ្ងៃព្រហស្បតិ៍ ដើម្បីត្រៀមខ្លួនសម្រាប់ពិព័រណ៍ការពារអន្តរជាតិវៀតណាមឆ្នាំ 2022។
កងទ័ពអាកាសវៀតណាមបានប្រើប្រាស់អាកាសយានដ្ឋាន Gia Lam ទីក្រុងហាណូយ ជាមូលដ្ឋានសម្រាប់សមយុទ្ធនេះ ដើម្បីត្រៀមរៀបចំពិព័រណ៍ការពារជាតិ ដែលគ្រោងនឹងចាប់ផ្តើមនៅដើមខែក្រោយនេះ។
សមយុទ្ធនេះ មានរយៈពេលពីម៉ោង ៧៖៣០នាទីព្រឹក ដល់ម៉ោង ១១៖៣០នាទីព្រឹក ដោយមានការចូលរួមពីយន្តហោះចម្បាំង Su-30MK2 និងឧទ្ធម្ភាគចក្រ Mi ជាច្រើនគ្រឿង។
យន្តហោះចម្បាំង Su-30MK2 ផលិតដោយប្រទេសរុស្ស៊ី គឺជាយន្តហោះពហុបំណងដែលអាចប្រើប្រាស់បានទាំងយប់ទាំងថ្ងៃ និងគ្រប់លក្ខខណ្ឌអាកាសធាតុ។
ល្បឿនអតិបរមាលើសពី 2,100 គីឡូម៉ែត្រក្នុងមួយម៉ោង ដែលជាពីរដងនៃល្បឿនសំឡេង។ ពួកវាមានសមត្ថភាពផ្ទុកអាវុធបានចំនួន ៨ តោនដែលបំពាក់ដោយអាវុធនឹងត្រូវចំណាយប្រាក់រាប់រយលានដុល្លារ។
គួរជម្រាបថា ពិព័រណ៍ការពារជាតិអន្តរជាតិវៀតណាមឆ្នាំ២០២២ ដែលក្រសួងការពារជាតិរៀបចំឡើងគ្រោងនឹងប្រព្រឹត្តទៅពីថ្ងៃទី៨ ដល់១២ ខែធ្នូ នៅអាកាសយានដ្ឋាន Gia Lam៕
