សម្តេចតេជោ៖ បញ្ជាក់ថាសម្តេចកិត្តិព្រឹទ្ធបណ្ឌិត មានបញ្ហាសុខភាពឆ្អឹងខ្នងមិនអាចទទួលភ្ញៀវប្រជុំអាស៊ាន!

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី០៦ ខែវិច្ឆិកា ឆ្នាំ២០២២ បានសុំការអធ្យាស្រ័យពី ភរិយាប្រមុខរដ្ឋ–រដ្ឋាភិបាលនានា ដែលនឹងអញ្ជើញមកកម្ពុជា ។
ក្នុងឱកាសកិច្ចប្រជុំកំពូលអាស៊ានខាងមុខ ដែលសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មិនអាចចេញជួបទទួលស្វាគមន៍បាន ដោយសារបញ្ហាសុខភាព។

តាមរយៈបណ្តាញសង្គមហ្វេសប៊ុក សម្តេចតេជោ ហ៊ុន សែន បានបញ្ជាក់យ៉ាងដូច្នេះថា ៖

ពិតជាមានការងឿងឆ្ងល់ច្រើនអំពីការ

អវត្តមានភរិយាខ្ញុំក្នុងពិធីធំៗរយៈពេល

កន្លងមកនិងការប្រជុំអាស៊ាននាពេលខាង

មុខ។

ភរិយាខ្ញុំមានបញ្ហាសុខភាពទាក់ទងដល់

ឆ្អឹងខ្នងដែលគ្រូពេទ្យតម្រូវឲ្យគាត់មិន

អាចអង្គុយយូរបាន។

ខ្ញុំសូមការអធ្យាស្រ័យពីលោកជំទាវភរិយា

ប្រមុខរដ្ឋ ប្រមុខរដ្ឋាភិបាលនៃប្រទេសនានាដែលនឹងអញ្ជើញមកកម្ពុជានាប៉ុន្មាន

ថ្ងៃខាងមុខដែលភរិយាខ្ញុំមិនអាចចេញ

ទទួលបានដោយសារស្ថិតក្នុងរយៈពេលនៃការព្យាបាល៕