ឧបទ្ទវហេតុធ្លាក់យន្តហោះដឹកអ្នកដំណើរមួយគ្រឿងកាលពីថ្ងៃអាទិត្យ បានបណ្តាលឲ្យមនុស្ស 19នាក់ស្លាប់បាត់បង់ជីវិតក្នុងចំណោមអ្នកដំណើរ 43នាក់ត្រូវបានសង្គ្រោះ។
អាជ្ញាធរបានឲ្យដឹងថា ហេតុការណ៍នេះ បានកើតឡើងកាលពីថ្ងៃអាទិត្យនៅបឹង Victoria ក្នុងប្រទេសតង់ហ្សានី ខណៈដែលយន្តហោះបានចាកចេញពីរដ្ឋធានីពាណិជ្ជកម្ម Dar es Salaam ហើយព្យាយាមចុះក្នុងអាកាសធាតុកំពុងមានព្យុះ។
ស្នងការប្រចាំតំបន់ លោក Albert Chalamila បាននិយាយថា មនុស្សក្នុងយន្តហោះមានចំនួន 43 នាក់ អ្នកដំណើរ 39 នាក់ អ្នកបើកយន្តហោះពីរនាក់ និងបុគ្គលិកកាប៊ីនពីរនាក់។
អាជ្ញាធរក្នុងតំបន់ និងក្រុមហ៊ុនអាកាសចរណ៍បាននិយាយថា អ្នកនៅរស់រានមានជីវិតចំនួន 26 នាក់ក្នុងចំណោមមនុស្ស 43 នាក់នៅលើយន្តហោះ PW 494 ត្រូវបានទាញទៅកាន់កន្លែងសុវត្ថិភាព ហើយត្រូវបានបញ្ជូនទៅមន្ទីរពេទ្យនៅ Bukoba ដែលជាទីក្រុងមាត់បឹងក្នុងតំបន់ Kagera ។
ប្រធានាធិបតីតង់ហ្សានី Samia Suluhu Hassan បានអំពាវនាវឱ្យមានភាពស្ងប់ស្ងាត់ក្នុងអំឡុងពេលប្រតិបត្តិការជួយសង្គ្រោះ។
លោកបាននិយាយថា” ខ្ញុំបានទទួលដំណឹងនៃគ្រោះថ្នាក់ដែលទាក់ទងនឹងយន្តហោះរបស់ក្រុមហ៊ុន Precision Air ដោយសោកស្ដាយ»។ «សូមឲ្យយើងស្ងប់អារម្មណ៍នៅពេលនេះ ពេលដែលក្រុមអ្នកជួយសង្គ្រោះកំពុងបន្តបេសកកម្មជួយសង្គ្រោះ ខណៈកំពុងអធិស្ឋានដល់ព្រះឲ្យជួយយើង»៕
