Manchester United កំពុងពិចារណាបញ្ចប់កិច្ចសន្យារបស់ Cristiano Ronaldo បន្ទាប់ពីបទសម្ភាសន៍ដ៏ក្តៅគគុករបស់គាត់ជាមួយ Piers Morgan ថ្មីៗនេះ។
ខ្សែប្រយុទ្ធវ័យ ៣៧ ឆ្នាំរូបនេះ បានចេញមុខបកអាក្រាតក្លឹបបិសាចក្រហម ដោយចោទប្រកាន់ថា កំពុងព្យាយាមបង្ខំគាត់ឲ្យចាកចេញ និងបានរិះគន់អ្នកចាត់ការលោក Erik ten Hag ថា”មិនមានការគោរព”សម្រាប់គាត់។
ទោះជាយ៉ាងណា Man United បានចេញសេចក្តីថ្លែងការណ៍មួយកាលពីថ្ងៃចន្ទ ដោយនិយាយថា ពួកគេនឹង “ពិចារណាលើការឆ្លើយតបរបស់ពួកគេបន្ទាប់ពីការពិតត្រូវបានលាតត្រដាង” នៅចុងសប្តាហ៍នេះ។
គួរជម្រាបថា យ៉ាងហោចណាស់ Ronaldo ត្រូវបានគេរំពឹងថានឹងត្រូវពិន័យប្រាក់ឈ្នួលពីរសប្តាហ៍ដែលមានចំនួនប្រហែល ១ លានផោនចំពោះការអាក់ខានកា រហ្វឹកហាត់នៅឯក្លឹប។ ប៉ុន្តែម្ចាស់ពានរង្វាន់ Ballon d’Or ប្រាំសម័យរូបនេះ បានអះអាងថា ការខកខានភាគច្រើននៃ pre-season គឺដោយសារតែកូនស្រីរបស់គាត់មានជំងឺ។
យោងតាមសារព័ត៌មាន The Telegraph Ronaldo ហាក់ដូចជាបានត្រៀមខ្លួនរួចរាល់ហើយ ដើម្បីលុបចោលកិច្ចសន្យារបស់គាត់នៅក្នុងទីផ្សារដោះដូរកីឡាករខែមករាដើមឆ្នាំក្រោយនេះ៕
