សហព័ន្ធកីឡាបាល់ទាត់របស់ប្រទេសអ៊ីរ៉ង់និយាយថា ខ្លួនបានដាក់ពាក្យបណ្តឹងទៅ FIFA ជុំវិញការដកពាក្យ “Allah” ចេញពីទង់ជាតិរបស់សាធារណរដ្ឋអ៊ីស្លាមនៅលើការបង្ហោះតាមប្រព័ន្ធផ្សព្វផ្សាយសង្គមដោយសមភាគីសហរដ្ឋអាមេរិក មុនពេលការប្រកួតបាល់ទាត់ពិភពលោកនាពេលខាងមុខរវាងប្រទេសទាំងពីរ។
ទីភ្នាក់ងារសារព័ត៌មានរដ្ឋ IRNA បានរាយការណ៍កាលពីថ្ងៃអាទិត្យថា”នៅក្នុងទង្វើដែលគ្មានវិជ្ជាជីវៈ អសីលធម៌ ក្នុងទំព័រ Instagram របស់សហព័ន្ធបាល់ទាត់អាមេរិកបានដកនិមិត្តសញ្ញាព្រះអាឡស់ចេញពីទង់ជាតិអ៊ីរ៉ង់” ។
សហព័ន្ធកីឡាបាល់ទាត់អ៊ីរ៉ង់បានផ្ញើអ៊ីមែលទៅ FIFA ដើម្បីទាមទារឱ្យវាចេញការព្រមានធ្ងន់ធ្ងរដល់សហព័ន្ធអាមេរិក”។
យ៉ាងណាមិញ មិនមានការឆ្លើយតបជាសាធារណៈភ្លាមៗពីស្ថាប័នគ្រប់គ្រងកីឡាបាល់ទាត់ពិភពលោកចំពោះពាក្យបណ្តឹងដែលបានរាយការណ៍នោះទេ ដែលបានកើតឡើងនៅពេលដែលសហរដ្ឋអាមេរិកត្រៀមប្រឈមមុខនឹងអ៊ីរ៉ង់ក្នុងការប្រកួត World Cup នៅថ្ងៃអង្គារនេះ៕
