រដ្ឋមន្ត្រីក្រសួងការពារជាតិអ៊ុយក្រែន លោក អូលេកហ្សុី រេស្នីកូវ Oleksii Reznikov បានប្រកាសកាលពីថ្ងៃអង្គារថា ប្រទេសអ៊ុយក្រែនបានទទួលប្រព័ន្ធបាញ់បង្ហោះគ្រាប់រ៉ុក្កែតច្រើន ប្រភេទ (MLRS) មួយទៀតពីប្រទេសបារាំង។
លោក Reznikov បាននិយាយថា “វាជាលទ្ធផលដែលអាចមើលឃើញនៃមិត្តភាព” រវាងប្រធានាធិបតីអ៊ុយក្រែន Volodymyr Zelenskyy និងមេដឹកនាំបារាំង Emmanuel Macron។
គួរជម្រាបថា កាលពីដើមខែនេះ ប្រទេសបារាំងបានផ្គត់ផ្គង់ប្រព័ន្ធការពារដែនអាកាស Crotale និង MLRS ចំនួនពីរគ្រឿងដល់អ៊ុយក្រែន ដែលបានកើតឡើងបន្ទាប់ពីការបញ្ជូនយន្តហោះ Caesar howitzers ចំនួន 18 គ្រឿង។
ដោយឡែក កាលពីខែកញ្ញា ក្រសួងការពារជាតិបារាំងក៏បានប្រកាសពីផែនការហ្វឹកហាត់ទាហានអ៊ុយក្រែនដល់ទៅ ២០០០ នាក់នៅប្រទេសបារាំងផងដែរ៕
