អ៊ុយក្រែនអះអាងថា ទាហានរុស្ស៊ី ១៦.៦០០ នាក់ត្រូវបានសម្លាប់ចាប់តាំងពីសង្គ្រាមបានចាប់ផ្ដើម!
យោធាអ៊ុយក្រែនបាននិយាយកាលពីថ្ងៃអាទិត្យថាទាហានរុស្ស៊ីប្រហែល 16,600 នាក់ត្រូវបានសម្លាប់នៅក្នុងប្រទេសអ៊ុយក្រែនចាប់តាំងពីការចាប់ផ្តើមនៃសង្រ្គាម។
កងកម្លាំងអ៊ុយក្រែនក៏បានបំផ្លាញយន្តហោះរុស្ស៊ីចំនួន ១២១ គ្រឿង ឧទ្ធម្ភាគចក្រ ១២៧ គ្រឿង រថក្រោះ ៥៨២ គ្រឿង រថពាសដែកចំនួន ១.៦៦៤ គ្រឿង កាណុង ២៩៤ គ្រឿង ប្រព័ន្ធបាញ់គ្រាប់រ៉ុក្កែត ៩៣ គ្រឿង និងប្រព័ន្ធការពារដែនអាកាស ៥២ គ្រឿង ចាប់តាំងពីថ្ងៃទី ២៤ ខែកុម្ភៈ នេះបើយោងតាមអគ្គសេនាធិការអ៊ុយក្រែន។
លើសពីនេះ កងកម្លាំងរុស្ស៊ីក៏បានបាត់បង់យានជំនិះ ១.១៤៤ គ្រឿង ទូកល្បឿនលឿនចំនួន ៧ គ្រឿង រថយន្តសាំងចំនួន ៧៣ គ្រឿង និងយានជំនិះគ្មានមនុស្សបើកចំនួន ៥៦ គ្រឿង (UAVs)។
មកទល់នឹងពេលនេះ យ៉ាងហោចណាស់ជនស៊ីវិល ១.១០៤ នាក់ត្រូវបានសម្លាប់ និង ១.៧៥៤ នាក់បានរងរបួស ខណៈ ប្រជាជនអ៊ុយក្រែនជាង 3.8 លាននាក់ក៏បានភៀសខ្លួនទៅកាន់ប្រទេសជិតខាងផងដែរ៕
