អ៊ុយក្រែនបើកកិច្ចប្រជុំបន្ទាន់ចំពេលមានការគំរាមកំហែងដល់មន្ត្រីការទូតរបស់ខ្លួនជាង១០ប្រទេស!
រដ្ឋមន្ត្រីការបរទេសអ៊ុយក្រែនលោក ឌីមីត្រូ ខូលីបា Dmytro Kuleba កាលពីថ្ងៃសៅរ៍បានធ្វើសន្និសីទមួយជាមួយឯកអគ្គរដ្ឋទូតអ៊ុយក្រែនចំពេលមាន “ការគំរាមកំហែង” ដល់បេសកកម្មការទូតរបស់ប្រទេសនេះ។
លោកនKuleba បានសរសេរនៅលើ Instagram ថា
“គិតត្រឹមថ្ងៃនេះ មានករណីគំរាមកំហែងចំនួន 18 នៅក្នុងប្រទេសចំនួន 12 នៃការប៉ុនប៉ងវាយប្រហារដោយភេរវករនៅក្នុងប្រទេសអេស្ប៉ាញ ហុងគ្រី ហូឡង់ ប៉ូឡូញ ក្រូអាត អ៊ីតាលី អូទ្រីស សាធារណរដ្ឋឆេក-ល-។
យោងតាមលោក Kuleba “ភេរវករកំពុងព្យាយាមបំភិតបំភ័យអ្នកការទូតអ៊ុយក្រែន និងធ្វើឱ្យចុះខ្សោយ និងបំភិតបំភ័យអ៊ុយក្រែន” តាមរយៈសកម្មភាពបែបនេះ។
ប្រទេសអ៊ុយក្រែនកាលពីថ្ងៃសុក្របានស្នើឱ្យរដ្ឋាភិបាលបរទេសរឹតបន្តឹងសន្តិសុខជុំវិញបេសកកម្មការទូតរបស់ខ្លួននៅលើទឹកដីរបស់ពួកគេផងដែរ។
ថ្លែងនៅក្នុងសន្និសីទសារព័ត៌មាននៅទីក្រុង Kyiv អ្នកនាំពាក្យក្រសួងការបរទេសលោក អូឡេក នីខូលេនខូ Oleg Nikolenko បាននិយាយថា ការិយាល័យការទូតអ៊ុយក្រែនជាច្រើនបានទទួលសារគំរាមកំហែង។
បន្ថែមពីលើនេះ ស្ថានទូតអ៊ុយក្រែនប្រចាំនៅសហរដ្ឋអាមេរិកក៏បានទទួលលិខិតមួយមាន«អត្ថបទរិះគន់អ៊ុយក្រែន»ផងដែរ។
គួររំលឹកថា កាលពីថ្ងៃទី៣០ ខែវិច្ឆិកា ប៉ូលិសក្នុងទីក្រុងម៉ាឌ្រីតបានទទួលរបាយការណ៍មួយអំពីភ្លើងឆេះអគារនៃស្ថានទូតអ៊ុយក្រែន ។ យោងតាមសេចក្តីរាយការណ៍របស់ប្រព័ន្ធផ្សព្វផ្សាយបានឲ្យដឹងថា អគ្គិភ័យនេះបណ្តាលមកពីផ្ទុះដែលលាក់ទុកក្នុងស្រោមសំបុត្រប្រៃសណីយ៍ ដែលបានបំផ្ទុះបន្ទាប់ពីវាត្រូវបានបើក៕
