យោងតាមរបាយការណ៍បានឲ្យដឹងថា យ៉ាងហោចណាស់មនុស្សពីរនាក់ត្រូវបានសម្លាប់ រួមទាំងប៉ូលិសម្នាក់ផងដែរ នៅពេលដែលក្រុមអ្នកតវ៉ានៅទីក្រុង Sweida ភាគខាងត្បូងប្រទេសស៊ីរី បានសម្រុកចូលអគាររដ្ឋាភិបាលនៅក្នុងការតវ៉ាប្រឆាំងជុំវិញការឡើងថ្លៃ និងបញ្ហាសេដ្ឋកិច្ច។
ក្រុមប្រព័ន្ធផ្សព្វផ្សាយសកម្ម Suwayda 24 និងក្រុមឃ្លាំមើលសិទ្ធិមនុស្សស៊ីរី ដែលជាក្រុមឃ្លាំមើលដែលមានមូលដ្ឋាននៅចក្រភពអង់គ្លេស បានបញ្ជាក់ពីការស្លាប់ទាំងពីរនាក់កាលពីថ្ងៃអាទិត្យ ហើយបាននិយាយថា មនុស្ស 4 នាក់ត្រូវបានបញ្ជូនទៅមន្ទីរពេទ្យជាមួយនឹងរបួសដោយគ្រាប់កាំភ្លើងនៅក្នុងទីក្រុងភាគច្រើននៃ Druze ។
ក្រសួងមហាផ្ទៃស៊ីរីបាននិយាយនៅក្នុងសេចក្តីថ្លែងការណ៍មួយថា មិនមានការទទួលខុសត្រូវឡើយ ព្រោះអ្នកស្លាប់គឺជាក្រុមមនុស្សក្រៅច្បាប់ ដែលបានសម្រុកវាយឆ្មក់អគាររដ្ឋាភិបាល ប្រដាប់ដោយអាវុធ និងបំផ្លាញគ្រឿងសង្ហារឹម វាយកម្ទេចបង្អួច និងដុតបំផ្លាញឯកសារ។ ហើយបានសម្លាប់ប៉ូលីសម្នាក់ ខណៈដែលពួកគេព្យាយាមសម្រុកចូលទីស្នាក់ការប៉ូលីស។
គួរជម្រាបថា បាតុកម្មប្រឆាំងរដ្ឋាភិបាលគឺកម្រមានណាស់នៅក្នុងប្រទេសស៊ីរី ដែលប្រធានាធិបតីលោក Bashar al-Assad បានបង្ក្រាបការបះបោរគាំទ្រលទ្ធិប្រជាធិបតេយ្យជាងមួយទសវត្សរ៍មុន។ ខណៈដែលមនុស្សជិតកន្លះលាននាក់ត្រូវបានសម្លាប់ និងពាក់កណ្តាលនៃចំនួនប្រជាជនរបស់ប្រទេសត្រូវបានផ្លាស់ទីលំនៅចាប់តាំងពីការបះបោរដោយសន្តិវិធីក្នុងឆ្នាំ 2011 បានវិវត្តទៅជាសង្រ្គាមបង្ហូរឈាម៕
