លោកឧត្ដមសេនីយ៍ស្នងការ អញ្ជើញចូលរួមទិវាជាតិប្រឆាំងការជួញដូរមនុស្ស ១២ធ្នូ ឆ្នាំ២០២២!
នៅរសៀលថ្ងៃទី១២ ខែធ្នូ ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានអញ្ជើញចូលរួមទិវាជាតិប្រឆាំងការជួញដូរមនុស្ស ១២ធ្នូ ឆ្នាំ២០២២ ក្រោមអធិបតីភាពដ៏ខ្ពង់ខ្ពស់របស់ សម្ដេចក្រឡាហោម ស ខេង ឧបនាយរដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.ប.ជ នៅសាលមហោស្របកោះពេជ្រ រាជធានីភ្នំពេញ ។
កម្មវិធីនេះមានការអញ្ជើញចូលរួមពីសំណាក់ ឯកឧត្ដម-លោកជំទាវ ប្រតិភូអមដំណើរ ឯកឧត្តម ឧត្តមសេនីយ៍ឯក អគ្គស្នងការរង ទទួលផែនប្រឆាំងការជួញដូរមនុស្ស និងការពារអនីតិជន ប្រធាន-អនុប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន ឯកឧត្ដម-លោកស្នងការនគរបាលរាជធានី-ខេត្ត លោក-លោកស្រី ស្នងការរងទទួលបន្ទុកការងារប្រឆាំងការជួញដូរមនុស្ស និងការពារអនីតិជន ឯកឧត្ដម -លោកជំទាវ លោក-លោកស្រី ភ្ញៀវកិត្តិយសជាតិ-អន្តជាតិ ជាច្រើនរូបផ្សេងទៀត៕
