ឧត្តមសេនីយ៍អ៊ុយក្រែននិយាយថា រុស្ស៊ីកំពុងត្រៀមខ្លួនសម្រាប់សង្គ្រាមអូសបន្លាយរយៈពេលយូរ!
ឧត្តមសេនីយ៍អ៊ុយក្រែននិយាយថា រុស្ស៊ីកំពុងត្រៀមខ្លួនសម្រាប់សង្គ្រាមអូសបន្លាយរយៈពេលយូរ!
ឧត្តមសេនីយអ៊ុយក្រែនម្នាក់ក្នុងលក្ខ័ណមិនបញ្ចេញឈ្មោះបាននិយាយថា ទីក្រុងមូស្គូកំពុងប្រើយុទ្ធសាស្ត្រសង្រ្គាមដ៏យូរមួយ ហើយនៅតែចង់ដណ្តើមយកទឹកដីអ៊ុយក្រែនទាំងមូល ខណៈដែលកងកម្លាំងរុស្ស៊ីបានវាយលុកឥតឈប់ឈរ។
អគ្គសេនាធិការយោធារបស់ប្រទេសអ៊ុយក្រែនបាននិយាយថា ការផ្តោតសំខាន់របស់ទីក្រុងមូស្គូនៅតែផ្តោតលើទីក្រុងភាគខាងកើតនៃ Bakhmut និង Avdiivka ប៉ុន្តែវាក៏កំពុងវាយលុកទីក្រុង Kherson ភាគខាងត្បូងប្រចាំថ្ងៃផងដែរ ហើយព្យាយាមដណ្តើមបានទីតាំងរឹងមាំបន្ថែមទៀតនៅក្នុងតំបន់ភាគខាងត្បូងនៃ Zaporizhia ។
លោកបាននិយាយថា “រុស្ស៊ីកំពុងប្រើយុទ្ធសាស្ត្រសង្គ្រាមរយៈពេលយូរ ជាមួយនឹងការវាយលុកដោយកាំជ្រួចមីសុីល និងគ្រាប់ផ្លោងជាប្រចាំថ្ងៃលើហេត្ថារចនាសម្ព័ន្ធថាមពលជនសុីវិល”។
ទោះជាយ៉ាងណា ភាគីទាំងសងខាងបានច្រានចោលបទឈប់បាញ់បុណ្យណូអែល ហើយបច្ចុប្បន្នមិនមានការចរចាណាមួយក្នុងគោលបំណងបញ្ចប់ជម្លោះជិត 10 ខែនោះទេ៕
