អធិការបតីអាល្លឺម៉ង់លោក Olaf Scholz បានជំរុញម្តងទៀតប្រឆាំងនឹងការទាមទារនៅក្នុងប្រទេសអាឡឺម៉ង់ និងពីមន្ត្រីអ៊ុយក្រែនសម្រាប់យន្តហោះចម្បាំងដើម្បីទប់ទល់ការឈ្លានពានរបស់រុស្ស៊ី ដោយជំរុញឱ្យប្រទេសលោកខាងលិចមិនចូលរួមក្នុង “សង្រ្គាមដេញថ្លៃ” សម្រាប់អាវុធទំនើប។
កាលពីសប្តាហ៍មុន ប្រទេសអាឡឺម៉ង់បានប្រកាសថា ខ្លួននឹងប្រគល់រថក្រោះប្រយុទ្ធ Leopard 2 របស់ខ្លួនទៅកាន់អ៊ុយក្រែន បន្ទាប់ពីរងសម្ពាធជាច្រើនសប្តាហ៍ពីអង្គការណាតូ និងសម្ព័ន្ធមិត្តសហភាពអឺរ៉ុប។
កាសែតអាល្លឺម៉ង់ Tagesspiegel កាលពីថ្ងៃអាទិត្យដោយដកស្រង់សម្តីពីលោក Olaf Scholz ថា”
ការពិតដែលយើងទើបតែធ្វើការសម្រេចចិត្ត [លើការបញ្ជូនរថក្រោះ] និងការជជែកដេញដោលលើកក្រោយ [យន្តហោះចម្បាំង] កំពុងផ្ទុះឡើងនៅប្រទេសអាឡឺម៉ង់ ដែលវាហាក់បីដូចជាមិនសមហេតុផល និងធ្វើឱ្យប៉ះពាល់ដល់ការជឿទុកចិត្តរបស់ប្រជាជនក្នុងការសម្រេចចិត្តរបស់រដ្ឋាភិបាល”។
ជាមួយគ្នា ប្រធានាធិបតីអ៊ុយក្រែនលោក Volodymyr Zelenskyy ជាថ្មីម្តងទៀតបានស្នើឱ្យប្រទេសលោកខាងលិចផ្តល់ឱ្យប្រទេសរបស់គាត់នូវប្រព័ន្ធអាវុធកម្រិតខ្ពស់បន្ថែមទៀតនៅក្នុងសុន្ទរកថាប្រចាំថ្ងៃរបស់គាត់កាលពីថ្ងៃសៅរ៍។ Zelenskyy បានលើកឡើងជាពិសេសអំពីប្រព័ន្ធមីស៊ីលយុទ្ធសាស្ត្ររបស់កងទ័ព (ATACMS) ។
គួរបញ្ជាក់ថា ប្រទេសរុស្ស៊ីកាលពីសប្តាហ៍មុនបានថ្កោលទោសការបញ្ជូនរថក្រោះប្រយុទ្ធរបស់ណាតូទៅកាន់អ៊ុយក្រែនដោយហៅវាថាជា “ភស្តុតាងផ្ទាល់និងការកើនឡើង” នៃការចូលរួមរបស់សហរដ្ឋអាមេរិក និងអឺរ៉ុបនៅក្នុងសង្គ្រាម៕
